We’ve updated our Terms of Use to reflect our new entity name and address. You can review the changes here.
We’ve updated our Terms of Use. You can review the changes here.

Cantares n'asturianu

by Ramón Prada

/
1.
Na Batalla 04:33
NA BATALLA Tarazaré les flores de la tumba onde xaz el mio amigu y serán verdes obleros que coronen la to frente. Un llechu d’ocles gratos reclámate como presaxu d’antigües costes y de mares que marcaren el to rumbu y la to deriva. Mas nun temas que la batalla dure y col sol más duru so les eríes ermes, cata aquel llugar separtáu u los homes oren al poniente ente les selves de kif. Porque l’amor nun conoz la muerte, namás el tremor y les esnales de la muerte.
2.
TEMPORADA DE PESCA Espaciu sacamos anzuelos, dos boyes, la tanza. Con auténticu esmeru discutimos el color de la mosca, la exacta combinación de tonos nel terciu. El día qu’abrieron la veda baxamos de mañana, tempranu, hasta’l pozu. Tu esperabes en lleráu contemplando’l silenciu, cómplice, los colores que pasen del ríu. Hora tres d’hora yo chaba al agua aquel cebu, obstinada, voraz, como quien conoz un destín cifráu polos sieglos. La segunda tarde, n’escureciendo, saqué la primera: “Mira, tócala, tovía sigue viva”, grité de la oriella y d’esa supimos qu’ellí mesmu empezábemos a deprender un llinguaxe nuevu, cruel, esnudu. Esa nueche volvimos a casa con restos de sangre, les manes puerques, felices. Depués siguimos pescando darréu, la temporada entera. Foi la última y nunca nun nos sintiéramos enantes tan cerca.
3.
LA IMPOSTORA (Variaciones sobre la mesma tema) Pudiera ser Isolda apurando la copa del llocu amor nes brunes lloses d’Aquitania, con munchu mar de fondu y grandes decoraos, sieglos depués, sobreviviendo a la lleenda. Pudiera ser domadora de fieres, guerrera percorriendo, inútiles, fríes, les siendes del olvidu o Lucrecia Borgia, amansando caballos mientres fuera siente’l ruxir de la batalla. Pudiera acompañar a Safo camín de casa, cuando vuelve midiendo n’hexámetros la vida y ser Ofelia entre les flores, amante de mil reis, soberana o mendiga, ramera, la muyer barbuda naquel vieyu anunciu de la infancia. Pudiera ser tabernera nun chigre de La Haya, regando en vino escuro’l sangre y dolor d’unos borrachos, campesina a les orielles del Yang Tsé, inmóvil al tiempu y al espaciu, George Sand y les muyeres qu’ella tarreció o yo mesma, esa otra qu’escueye siempre la dirección opuesta, aquella que pudi ser, la que nunca voi ser, ésta qu’escribe unos versos confusos nel corredor de casa una tarde cualquiera y siente’l ríu, los coches y mira pa esa muyer que pasa y cruza un instante el so tiempu nel míu, esa muyer qu’igual quixera ser yo mientres agora, escribiendo, la miro y envidio’l so pasu, cómo suena apartándose nuna dirección contraria, apartándose.
4.
ANATOMÍA DEL DOLOR (I) La vida sigue ensín min, la xente que sal y saluda a los suyos, esta tarde que llega inexorable, el día que pasa ensin metáfores de nada, el día a seques. Como’l dolor. La vida sigue’l so camín ensin mi y nin siquier s’entera. ANATOMÍA DEL DOLOR (II) Llegó’l dolor. Pensamos que pasaba per delantre la puerta ensin picar, pero metiósenos en casa. Llegó’l dolor y gusmió como un perru pelos cuartos, atracó la despensa del deseyu, durmió na nuestra cama. Llegó’l dolor como un airón foín y arramplónos con too. Y eso que malpenes quedaba cuasi nada.
5.
COMO QUIEN VUELVE AL ALBA Como quien vuelve al alba, Como quien pisa verde Tres de pisar escayos Y depués agua. Como quien vien al alba. Como quien vuelve al alba. Como quien vuelve al alba Col esplandor creciente De quien vien de lo escuro. Como quien vien al alba. Como quien vuelve al alba.
6.
AL ALDU LOS IVIERNOS Pa ti, la lluz sea dicha Garganta abierta Al aire que respiro Dende l’iviernu, mante, Nun toi contigo. Pa min, la nueche que nos separta, Xiblar del vientu, Cantar del fríu. Dende l’iviernu, mante, Nun tas conmigo. Pa ti, la lluz sea dicha, Cantar del fríu, Dende la nueche, mante, Nun toi contigo. Pa min, nun tas conmigo, Al aldu los iviernos, Llega tol fríu.
7.
MIDIDA Guei, que conozo’l llargor exactu del mio cuerpu, nun puedo ser, un suponer, muyer negra, nenu d’olivar y de chatarra y, al tiempu, mendigu qu’ha de pagar el preciu la miseria. Güei, yá sabes el porqué, nun puedo ser pexe de muerte y de color, agua salao y, ente les foles, rabia blanca d’esti día.
8.
DE LA CASA DEL PADRE Pesllada la puerta, echaos el cuarterón y los postigos dexé la casa, por si un día vuelvo. Caltengo nel envés de la memoria caminos y caleyes de champán y d’escuela: imprecisa cartografía del vencíu. De la casa del padre salí travesando los más altos puertos de piedra, y salté sebes y esguilé árboles de frutes duces y amargues. De la casa del padre llegué hasta esti día como zrezu xaponés que nada guarda y mira pal suelu, de revés, plasmáu y sordu.

about

Colección de canciones que pertenecen al disco 'Palabres de Muyer' (2006), un disco del tenor Joaquín Pixán dedicado a las poetas asturianas y con música de los compositores Ramón Prada y Jorge Muñíz.

Las canciones se estructuran en tres partes, asociada cada una a una autora:

CANCIONES PA CUATRO NUECHES DE QUEMA (Berta Piñán)
.Na batalla
.Temporada de pesca
.La impostora (variaciones sobre la mesma tema)
.Anatomía del dolor (I y II)

Poemas: Berta Piñán
Música: Ramón Prada
Flauta: José Ángel Hevia (Na batalla)
Recitado: Berta PIñán (en Anatomía del Dolor I y II)
Piano preparado con pandereta tradicional: Mario Bernardo (Temporada de pesca)

DOS CANTARES (Lourdes Álvarez)
.Como quien vuelve al alba
.Al aldu los iviernos

Poemas: Lourdes Álvarez
Música: Ramón Prada

DOS ESTUDIOS PA VOZ Y PIANU (Esther Prieto)
.Midida
.De la casa del padre
Poemas: Esther Prieto
Música: Ramón Prada
Tratamiento electrónico de voz y piano: Ramón Prada

credits

released May 8, 2006

Música compuesta por Ramón Prada.
Joaquín Pixán: voz
Mario Bernardo: piano
José Ángel Hevia: traverso en 1
Berta Piñán: voz en 4
Ramón Prada: manipulación electrónica en 7-8
----------
La compra incluye la descarga del libro de partituras (pdf).

license

all rights reserved

tags

about

Ramón Prada Spain

De amplia y sólida formación clásica, su ecléctica música fusiona estilos e incorpora las nuevas tecnologías.
Es autor de música sinfónica, bandas sonoras, música de cámara y espacios sonoros para la escena. Sus obras se han tocado en escenarios de todo el mundo y actualmente utiliza la electrónica y la manipulación en vivo del sonido para sus conciertos y sus nuevos proyectos
... more

contact / help

Contact Ramón Prada

Streaming and
Download help

Report this album or account

If you like Ramón Prada, you may also like: